ലണ്ടനിലെ ഷൈല ശ്രീ ചേച്ചിയുടെ വീട്ടിൽ പോയാൽ ഇത് നമ്മുടെ നാട് തന്നെയാണല്ലോ എന്നൊരു തോന്നൽ ഉണ്ടാകാം. കാരണം തനി നാടൻ പച്ചക്കറികളും പൂക്കളും കൊണ്ടു നിറഞ്ഞിരിക്കുകയാണ് ശൈലശ്രീയുടെ വീട്ടുമുറ്റം. പഴവർഗങ്ങളും പൂച്ചെടികളും പച്ചക്കറികളും കൊണ്ട് നിറഞ്ഞിരിക്കുന്ന ഈ വീട്ടുമുറ്റം കണ്ടാൽ ആരും മതി മറന്ന് നിന്നു പോകും.
ഒരു ഫ്ലവർ ഷോ കണ്ടപോലെ തന്നെയാണ് ഷൈല ശ്രീയുടെ വീട്ടുമുറ്റത്ത് ഒരുക്കിയ ഗാർഡൻ. റോസും സൂര്യകാന്തിയും നാലുമണി പൂക്കളും ചെണ്ടുമല്ലിയും എല്ലാം നിറഞ്ഞിരിക്കുന്ന ഗാർഡൻ പൂക്കളുടെ ഒരു വസന്തം തന്നെയാണ് ഒരുക്കുന്നത്. ഇനി പച്ചക്കറിയിലേക്ക് പോയാൽ തക്കാളിയും വിവിധതരത്തിലുള്ള മുളകും ക്യാപ്സിക്കവും പാവയ്ക്കയും പടവലങ്ങയുമടക്കം എല്ലാം ഈ പച്ചക്കറിത്തോട്ടത്തിൽ മനോഹരിത ചാർത്തി നിൽക്കുന്നു.
Discussion about this post