കന്നുകാലി കച്ചവടങ്ങളും ഡിജിറ്റലായി. കറവ പ്പശുക്കളെയും കിടാരികളെയും വാങ്ങാനും വിൽക്കാനും സഹായിക്കുന്ന ഓൺലൈൻ മൊബൈൽ ആപ്ലിക്കേഷനുമായി മിൽമ തിരുവനന്തപുരം മേഖലാ യൂണിയൻ രംഗത്ത്..‘മിൽമ കൗ ബസാർ’ എന്നു പേരിട്ടിരിക്കുന്ന ആൻഡ്രോയ്ഡ് ഫോൺ ആപ്ലിക്കേഷൻ ഉടൻ ഗൂഗിൾ പ്ലേസ്റ്റോറിൽ ലഭ്യമാകും.ഫോട്ടോ കണ്ടു വിൽക്കാനും വാങ്ങാനും സാധിക്കും..
പശുവിന്റെ ഇനം, പ്രായം, കറവ, പാലിന്റെ അളവ്, വില തുടങ്ങി നിറം വരെയുള്ള വിവരങ്ങൾ ഫോണിൽ കണ്ടു മനസിലാക്കാൻ സാധിക്കും .ഇഷ്ടപെട്ടാൽ നേരിട്ടു കച്ചവടം നടത്താം .വിശദാംശങ്ങൾ എല്ലാവർക്കും കാണാമെങ്കിലും വിവരങ്ങൾ അപ്ലോഡ് ചെയ്യാൻ എല്ലാവർക്കും സാധിക്കില്ല.തൊട്ടടുത്ത പ്രാഥമിക ക്ഷീരസംഘം സെക്രട്ടറിമാർക്കാണ് ഇതിന്റെ ചുമതല. തെറ്റായ വിവരങ്ങൾ അപ്ലോഡ് ചെയ്ത് വിശ്വാസിത നഷ്ടപ്പെടാതെ ഇരിക്കാനാണ് ഇത് .സ്വന്തമായി ഫോണില്ലാത്തവർക്ക് ക്ഷീരസംഘത്തിലെ ഫോൺ വഴിയും സേവനം ഉപയോഗപ്പെടുത്താം.
മികച്ച ഇനം പശുക്കളെ കണ്ടെത്താനും ഇടനിലക്കാരെ ഒഴിവാക്കാനും സഹായിക്കുകയാണ് ലക്ഷ്യമെന്ന് മേഖലാ യൂണിയന് ചെയര്മാന് കല്ലട രമേശ് പറഞ്ഞു. തുടക്കത്തില് തിരുവനന്തപുരം, കൊല്ലം, പത്തനംതിട്ട, ആലപ്പുഴ എന്നീ ജില്ലകളിലാണ് സേവനം ലഭ്യമാകുക. പിന്നീട് കേരളം മുഴുവന് വ്യാപിപ്പിക്കാനാണ് പദ്ധതി.
Discussion about this post