പണം കായ്ക്കുന്ന ചെടിയെന്നൊക്കെ നമ്മള്‍ തമാശ പറയാറില്ലേ? എന്നാല്‍ അത്തരം ഒരു ചെടിയാല്‍ അലങ്കരിച്ച ഒരു ബാല്‍ക്കണിയിലേക്ക് കടന്നുചെന്നാലോ?
എറണാകുളം എരൂരിലെ നമ്മുടെ ബിന്ദുചേച്ചിയുടെ ബാല്‍ക്കണി ഗാര്‍ഡനെ പറ്റിയാണ് പറഞ്ഞുവരുന്നത്. ”മണി പ്ലാന്റ്” ആണ് ഇവിടുത്തെ താരം. പണത്തിന് പകരം എവര്‍ഗ്രീന്‍ പച്ചപ്പാണ് കൊണ്ടുവന്നതെന്ന് മാത്രം.
കഷ്ടിച്ച് ഒരാള്‍ക്ക് നടന്നു പോകാവുന്ന ഒരു ബാല്‍ക്കണി. അവിടെ വിവിധ തരം ഇലച്ചെടികളഉം കലാസൃഷ്ടികളും അലങ്കരിക്കുന്ന കൊച്ചു ഗാര്‍ഡന്‍. ചിത്രകലയിലും ക്രാഫ്റ്റ് വര്‍ക്കിലുമുള്ള ബിന്ദുചേച്ചിയുടെ കഴിവ് ഗാര്‍ഡന്‍ സെറ്റിങ്ങിലും എടുത്തറിയാനാകും. ഉപയോഗശൂന്യമായ വസ്തുക്കള്‍ കൊണ്ടൊരുക്കുന്ന ഗാര്‍ഡന്‍ പോട്ടുകള്‍, ബോട്ടില്‍ ആര്‍ട്ട്, ചുവര്‍ അലങ്കരിക്കുന്ന പെയിന്റിംഗുകള്‍, മറ്റു ക്രാഫ്റ്റ് വര്‍ക്കുകള്‍ എന്നിവയെല്ലാം കൊണ്ട് മനോഹരമാക്കിയ വീട്.
അല്‍പ്പസമയവും താല്‍പ്പര്യവുമുണ്ടെങ്കില്‍ ഗാര്‍ഡന്‍ സെറ്റ് ചെയ്യാന്‍ അധിക സ്ഥലവും പണച്ചെലവുമില്ലെന്ന് ബിന്ദുചേച്ചി പറയുന്നു.
Discussion about this post