പഞ്ചാബെന്ന് കേള്ക്കുമ്പോള് വിളഞ്ഞുകിടക്കുന്ന ഗോതമ്പുപാടങ്ങളും കടുകിന്പൂക്കളും പരുത്തിത്തോട്ടങ്ങളുമൊക്കെയാണോ ഓര്മ്മവരുന്നത്? എന്നാല് മലയാളിയുടെ തീന്മേശയിലെ എല്ലാ പച്ചക്കറികളും സമൃദ്ധമായി ഈ മണ്ണില് വിളയും എന്ന് തെളിയിച്ചിരിക്കുകയാണ് ഒരു മലയാളി കുടുംബം.
13 വര്ഷമായി പഞ്ചാബില് താമസമാക്കിയ മാത്യു-ലെനി ദമ്പതികളുടെ കൃഷിത്തോട്ടത്തില് വീട്ടിലേക്കാവശ്യമായ എല്ലാ പച്ചക്കറികളും സുലഭമാണ്. ടെറസില് കൃഷി തുടങ്ങിയിട്ട് അഞ്ചര വര്ഷത്തോളമായി. പ്ലാസ്റ്റിക് ഡ്രമ്മുകളിലാണ് പ്രധാനമായും മട്ടുപ്പാവിലെ കൃഷി. കോണ്ഗ്രീറ്റിന് നാശമുണ്ടാക്കാത്ത രീതിയില് സ്റ്റാന്റുകള് നിര്മ്മിച്ച് ഡ്രമ്മുകള് ഉയര്ത്തിവെച്ചിരിക്കുന്നു. മുന്തിരിയും പേരയും മാതളവുമൊക്കെ മികച്ച വിളവാണ് നല്കിവരുന്നത്.
കൃഷിയോടൊപ്പം മനോഹരമായ ഒരു പൂന്തോട്ടവും ലെനി ഒരുക്കിയിട്ടുണ്ട്. പൂച്ചെടികളുടെ വലിയൊരു ശേഖരവുമുണ്ട് ഇവിടെ.
കൃഷി മാത്രമല്ല, അറിയപ്പെടുന്ന സാമൂഹ്യ പ്രവര്ത്തകയും എഴുത്തുകാരിയും കൂടിയാണ് ലെനി. ഭര്ത്താവ് മാത്യുവും രണ്ട് മക്കളുമടങ്ങുന്ന കുടുംബം പൂര്ണ പിന്തുണയുമായി ലെനിയോടൊപ്പമുണ്ട്.
Discussion about this post