വനിതക്ക് സ്വന്തം മീൻതോട്ടം: ഫിഷറീസ് വകുപ്പ് അപേക്ഷ ക്ഷണിച്ചു

തൃശൂർ: മത്സ്യകൃഷി സാക്ഷരതയുടെ ഭാഗമായി ഫിഷറീസ് വകുപ്പ് നടപ്പിലാക്കുന്ന ‘വനിതക്ക് സ്വന്തം മീൻതോട്ടം’ എന്ന പദ്ധതിയിലേക്ക് നിശ്ചതയോഗ്യതയുളള ഗുണഭോക്താക്കളിൽ നിന്നും അപേക്ഷ ക്ഷണിച്ചു.

750 ലിറ്റർ ജലസംഭരണശേഷിയുളള ടാങ്കും അതിനോട് ചേർന്ന് 2.5 ചതുരശ്ര മീറ്റർ വിസ്തൃതിയിൽ പച്ചക്കറി ബെഡും മഴമറയും ഉൾക്കൊളളുന്നതാണ് ഒരു യൂണിറ്റ്. സ്വന്തമായി കെട്ടുറപ്പുളള ടെറസ്സിലാണ് ഇത് ഒരുക്കേണ്ടത്.

കുടുംബശ്രീ ഉൽപ്പന്നങ്ങൾ ഇനി സപ്ലൈകോ വഴി: നീക്കം കാർഷിക സംരംഭങ്ങൾക്കും ഗുണമാകും

താൽപര്യമുളളവർ ആധാർ കാർഡ്, ബാങ്ക് പാസ് ബുക്ക്, കരമൊടുക്കിയ രസീത്, റേഷൻ കാർഡ് എന്നിവയുടെ പകർപ്പ് സഹിതം ജനുവരി 15 നകം എക്‌സിക്യൂട്ടീവ് ഓഫീസർ, മത്സ്യകർഷക വികസന ഏജൻസി, ആമ്പക്കാടൻ ജംഗ്ഷൻ, പളളിക്കുളം, തൃശൂർ 01 എന്ന വിലാസത്തിൽ നൽകണം. വിശദ വിവരങ്ങൾക്ക് ഫോൺ: 0487 2441132.