നാലാമത് മൂഴൂർ കാർഷികേ മേളയ്ക്ക് തുടക്കമായി. മൂഴൂർ സെന്റ്. മേരീസ് പള്ളി മെെതാനിയിൽ ആരംഭിച്ച മേള മോൻസ് ജോസഫ് എം.എൽ.എ ഉദ്ഘാടനം ചെയ്തു. മൂഴൂർ കർഷക ദള ഫെഡേറേഷനാണ് മേള സംഘടിപ്പിക്കുന്നത്.
പഴയകാല കാർഷിക, വീട്ടുപകരണങ്ങൾ ഉൾപ്പെടുത്തിയ പ്രദർശന സ്റ്റാളുകളും , നൂതന കൃഷി രീതികൾ വിശദമാക്കുന്ന സ്റ്റാളുകളും മേളയിൽ ഒരുക്കിയിട്ടുണ്ട്. കാർഷിക വിള മത്സരം, ഭക്ഷ്യമേള, കാർഷിക, ആരോഗ്യ വിഷയങ്ങളിൽ സെമിനാറുകൾ തുടങ്ങിയവയും ഇതോടനുബന്ധിച്ച് നടക്കും.
ജോസ് സിറിയക് വാരാച്ചേരിൽ , ഫാ. ജോർജ് പുതിയാപറമ്പിൽ , മോൺ. സെബാസ്റ്റ്യൻ വേത്താനത്ത് , ഫാ. ഇഗ്നേഷ്യസ് നടുവിലേക്കൂറ്റ്, ബാബു ജോസഫ്, ഷാജി ഭാസ്കർ, എ.സി ബേബിച്ചൻ തുടങ്ങിയവർ ഉദ്ഘാടനച്ചടങ്ങിൽ പ്രസംഗിച്ചു. മേള 13 ന് സമാപിക്കും.
Discussion about this post