കാർഷിക മേഖലയിലെ മികച്ച മാധ്യമ റിപ്പോർട്ടിങ്ങിനുള്ള സംസ്ഥാന ഗവൺമെൻറിൻറെ കർഷക ഭാരതി (നവമാധ്യമം) പുരസ്കാരം അഗ്രി ടിവിക്ക് ലഭിച്ചു. തിരുവനന്തപുരം നിശാഗന്ധി ഓഡിറ്റോറിയത്തിൽ ഇന്നലെ നടന്ന കാർഷിക ദിനാഘോഷത്തിന്റെ സംസ്ഥാനതല ഉദ്ഘാടന ചടങ്ങിൽ കൃഷിമന്ത്രി പി. പ്രസാദിൽ നിന്ന് അഗ്രി ടിവി ഫൗണ്ടർ ശ്യാം കുമാർ കെ. എസ് പുരസ്കാരം ഏറ്റുവാങ്ങി. 50000 രൂപയും പ്രശസ്തി പത്രവും അടങ്ങുന്നതാണ് പുരസ്കാരം. കഴിഞ്ഞ ഒരു വർഷത്തെ കാർഷിക മേഖലയിലെ അഗ്രി ടിവിയുടെ പ്രവർത്തനങ്ങൾ അടിസ്ഥാനപ്പെടുത്തിയായിരുന്നു പുരസ്കാരം. കാർഷിക മേഖലയുമായി ബന്ധപ്പെടുത്തി തയ്യാറാക്കിയ വീഡിയോകളും ലേഖനങ്ങളുമാണ് പുരസ്കാരം നിർണയത്തിനായി പരിഗണിച്ചത്.
2019 ഓഗസ്റ്റിലാണ് അഗ്രി ടിവി പ്രവർത്തനം ആരംഭിച്ചത്. കാർഷിക മേഖലയുമായി ബന്ധപ്പെട്ട് ഏകദേശം ആയിരത്തിലധികം വീഡിയോകൾ ഇതിനോടകം തന്നെ അഗ്രി ടിവി സംപ്രേക്ഷണം ചെയ്തിട്ടുണ്ട്. കേരളത്തിൽ നിന്നും മാത്രമല്ല ലോകത്തെമ്പാടുമുള്ള മലയാളികളുടെ കൃഷികൾ പരിചയപ്പെടുത്താനും അഗ്രി ടിവിക്ക് സാധിച്ചു. കാർഷിക മേഖലയുമായി ബന്ധപ്പെട്ട പുത്തൻ ആശയങ്ങളും, കൃഷി രീതികളും, ഒപ്പം ഒട്ടനവധി കർഷകരുടെ പ്രശ്നങ്ങളും സമൂഹത്തിൻറെ മുഖ്യധാരയിലേക്ക് കൊണ്ടുവരാനും അഗ്രി ടിവിക്ക് സാധിച്ചു. ഇന്ന് ഫേസ്ബുക്ക്, യൂട്യൂബ്, ഇൻസ്റ്റാഗ്രാം എന്നിവയിലൂടെ മാസം ഒന്നരക്കോടിൽ അധികം വ്യൂവേഴ്സാണ് അഗ്രി ടിവിയ്ക്ക് ഉള്ളത്. അഗ്രി ടീവിയുടെ ഈ വളർച്ചയിൽ ഒപ്പം നിന്ന് എല്ലാവർക്കും അഗ്രി ടിവി ടീമിൻറെ ഹൃദയം നിറഞ്ഞ നന്ദി അറിയിക്കുന്നു…
Discussion about this post