തൃശൂര്‍: ഒരു ഗ്രാമത്തെ കശുമാവിന്‍ ഗ്രാമം ആക്കാന്‍ പദ്ധതിയിട്ടാലോ? തൃശൂര്‍ ജില്ലയിലെ മേലൂര്‍ ഗ്രാമപഞ്ചായത്താണ് ഈ പുത്തന്‍ ആശയത്തിന് പിന്നില്‍. മുറ്റത്തൊരു കശുമാവ് പദ്ധതിയിലൂടെ 3,000-ത്തോളം കശുമാവിന്‍ തൈകള്‍ നടനാണ് ഉദ്ദേശിക്കുന്നത്.
വിപണിയില്‍ പ്രിയമേറിയ ധന വിഭാഗത്തിലെ ഒട്ടുതൈകളാകും നല്‍കുക. ഒരു വര്‍ഷം കൊണ്ട് കായ്ക്കും. എല്ലാ കുടുംബങ്ങള്‍ക്കും വരുമാനം ലഭ്യമാക്കുകയാണ് പദ്ധതിയുടെ ലക്ഷ്യം. 120 രൂപ വരുന്ന തൈകള്‍ സൗജന്യമായാണ് ഓരോ വീട്ടിലും നല്‍കിയത്. സര്‍ക്കാര്‍ പുതുതായി രൂപീകരിച്ച കശുമാവ് കൃഷി വികസന ഏജന്‍സി, 100 ശതമാനം സബ്‌സിഡിയില്‍ കൃഷി ഭവന് കൈമാറി.
ഒരടി ആഴത്തില്‍ വേണം തൈ നടാന്‍. അര കിലോ കുമ്മായം കുഴകളില്‍ മണ്ണിളക്കി ഇടമം. 12 ദിവസത്തിന് ശേഷം തൈ നടീലിനൊപ്പം 4 കിലോ ചാണകപ്പൊടിയിട്ട് കുഴിമൂടണം. വേപ്പിന്‍ പിണ്ണാക്കും എല്ലുപ്പൊടിയും ഇട്ടു കൊടുക്കണം. വളര്‍ന്ന് തുടങ്ങുമ്പോള്‍ പ്ലാസ്റ്റിക് കവര്‍ മാറ്റി തണ്ടിനടിയില്‍ കിളര്‍ക്കുന്ന എല്ലാ മുളകളും നുള്ളി മാറ്റണം.
Discussion about this post