രാഷ്ട്രീയ കൃഷി വികാസ് യോജന; ബജറ്റിൽ 8,308.3 കോടി രൂപ അനുവദിച്ചേക്കുമെന്ന് റിപ്പോർട്ട്

ന്യൂഡൽഹി: രാഷ്ട്രീയ കൃഷി വികാസ് യോജനയ്ക്ക് (RKVY) കേന്ദ്രം കൂടുതൽ തുക അനുവദിച്ചേക്കുമെന്ന് റിപ്പോർട്ട്. 8,308.3 കോടി രൂപയാകും വരുന്ന ബജറ്റിൽ അനുവദിക്കുകയെന്നാണ് വിവരം. 2025 സാമ്പത്തിക വർഷത്തിൽ 10 ശതമാനത്തിൻ്റെ വർധനവാകും വരുത്തുക.

2017-ൽ കൃഷി മന്ത്രാലയത്തിന് കീഴിലുള്ള ഡിപ്പാർട്ട്മെൻ്റ് ഓഫ് അഗ്രികൾച്ചർ ആൻ്റ് കോ-പ്പറേഷൻ (DAC) ആണ് പദ്ധതി അവതരിപ്പിച്ചത്. സംസ്ഥാനം നടപ്പിലാക്കുന്ന പദ്ധതിക്ക് അധിക സഹായം നൽകുകയാണ് ഇതിൻ്റെ ലക്ഷ്യം. 100 ശതമാനം സഹായം കേന്ദ്രമാണ് നൽകുന്നത്.

നടപ്പ് സാമ്പത്തിക വർഷം 7,150 കോടി രൂപയാണ് പദ്ധതിക്കായി വകയിരുത്തിയിട്ടുള്ളത്. ഇടക്കാല ബജറ്റിൽ 7,553 കോടിയും അനുവദിച്ചിരുന്നു. ഇതിന് പുറമേയാണ് 8,308.3 കോടി രൂപ കൂടി അനുവദിക്കുക. കാർഷിക ബിസിനസ് സംരംഭങ്ങൾക്ക് പ്രോത്സാഹനം നൽകാനും കൃഷി കൂടുതൽ ലാഭകരമാക്കുകയുമാണ് പദ്ധതിയുടെ ലക്ഷ്യം.

Govt may increase Rashtriya Krishi Vikas Yojana outlay by 10% to ₹8,308 crore