യുവശാസ്ത്രജ്ഞർക്ക് 1.54 കോടി വരെ സഹായം; എം. കെ ഭാൻ ഫെലോഷിപ്പിന് ഇപ്പോൾ അപേക്ഷിക്കാം

പ്രശസ്ത ബയോ ടെക്നോളജി ഗവേഷകൻ എം. കെ ഭാനിന്റെ പേരിൽ കേന്ദ്രബയോ ടെക്നോളജി വകുപ്പ് 50 യുവ ശാസ്ത്രജ്ഞർക്ക് 1.54 കോടി രൂപ വരെ ഫെലോഷിപ്പ് നൽകുന്നു. ബയോടെക്നോളജിയുമായി ബന്ധപ്പെട്ട നൂതന മേഖലകളിലെ പോസ്റ്റ് ഡോക്ടറൽ ഗവേഷണം ആണ് ലക്ഷ്യം. ബയോടെക്നോളജിയിലോ ഏതെങ്കിലും ജൈവ ശാസ്ത്രത്തിലോ പി എച്ച് ഡി നേടിയ ഇന്ത്യൻ പൗരൻ ആയിരിക്കണം. സർവ്വകലാശാലകളിലോ മറ്റു സ്ഥാപനങ്ങളിലോ സ്ഥിരം ജോലി പാടില്ല. നിലവാരമുള്ള ഗവേഷണ പ്രസിദ്ധീകരണങ്ങൾ വേണം. ബിരുദം നേടിക്കഴിഞ്ഞാൽ ഫെലോഷിപ്പ് ലഭിക്കും.

കേന്ദ്രബയോ ടെക്നോളജി വകുപ്പിന്റെ നിയന്ത്രണത്തിലുള്ള സ്വയംഭരണ സ്ഥാപനത്തിൽ ആകണം ഗവേഷണം. അപേക്ഷ സ്വീകരിക്കുന്ന അവസാന ദിവസം 35 വയസ്സ് കവിയരുത്. സമാന്തരമായ മറ്റു ഫെലോഷിപ്പുകൾ നേടരുത്. ഫെലോഷിപ്പ് മൂന്നുവർഷം വരെയാണ് മികവുണ്ടെങ്കിൽ രണ്ടുവർഷം കൂടി നീട്ടാം. 90000 രൂപ വരെ പ്രതിമാസ ഫെലോഷിപ്പിന് പുറമേ ഉപകരണങ്ങൾ വാങ്ങാനുള്ള തുകയും ഗ്രാൻഡ്- ഇൻ -എയ്ഡ് മുണ്ട്. അപേക്ഷ ഗവേഷണം നടത്താൻ ഉദ്ദേശിക്കുന്ന സ്ഥാപനത്തിന്റെ മേധാവി വഴി ബയോടെക്നോളജി വകുപ്പിലേക്ക് മാർച്ച് 16നകം കിട്ടത്തക്കവിധം അയയ്ക്കണം. ഗവേഷണ വിഷയം സംബന്ധിച്ച് വിവരങ്ങളും ചേർക്കണം. വിവരങ്ങൾ htttp://dbtindia.gov.in

Content summery : Apply now for the M. K. Bhan Fellowship