വീട്ടിലേക്ക് ആവശ്യമായതെല്ലാം വീട്ടുമുറ്റത്ത് തന്നെ കൃഷി ചെയ്തെടുക്കുക. അത്ര പ്രായോഗികമാണോ എന്ന് നമ്മള്‍ സംശയിക്കും. എന്നാലത് പ്രയോഗികമാണെന്ന് തെളിയിച്ചവരാണ് പത്തനംതിട്ട കടമ്പനാട്ടെ മുരളി – വിജയ ദമ്പതിമാര്‍.
വീട്ടാവശ്യത്തിനുള്ള എല്ലാതരം പച്ചക്കറികളും ഇവര്‍ കൃഷി ചെയ്യുന്നു. ഒപ്പം മീനും കോഴിയും താറാവും മുയലും. 41 വര്‍ഷത്തെ പ്രവാസ ജീവിതത്തിന് ശേഷം നാട്ടില്‍ സ്ഥിരതാമസമാക്കിയ കഴിഞ്ഞ നാല് വര്‍ഷവും ഇവരുടെ ലോകം പച്ചക്കറി കൃഷിയും വളര്‍ത്തുമൃഗങ്ങളും ഒപ്പം മനോഹരമായ പൂന്തോട്ടം ഒരുക്കിയെടുക്കലുമെല്ലാമാണ്.
പ്രകൃതിയെ സ്നേഹിക്കുന്ന, പ്രകൃതിയോട് ഇണങ്ങി ജീവിക്കാന്‍ ഇഷ്ടപ്പെടുന്നവരാണ് രണ്ടുപേരും. മനസിന് സന്തോഷം നല്‍കുന്ന കൃഷിയും യാത്രയുമായി റിട്ടയര്‍മെന്റ് ലൈഫില്‍ മുന്നോട്ട് പോകുക എന്നത് മാത്രമാണ് ഇവരുടെ ഭാവി പരിപാടി.
Discussion about this post