തെങ്ങ് കയറ്റത്തിന് ആളെ കിട്ടുന്നില്ല എന്ന പരാതി ഇനി വേണ്ട. ഹലോ നാരിയൽ കോൾ സെന്ററിന്റെ 9447175999 എന്ന നമ്പറിലേക്ക് വിളിക്കുകയോ, വാട്സ്ആപ്പ് സന്ദേശം വഴി ബന്ധപ്പെടുകയോ ചെയ്താൽ തെങ്ങ് കയറ്റക്കാർ വീട്ടിലെത്തും. രാവിലെ 9:30 മുതൽ വൈകിട്ട് 5.30 വരെയാണ് പ്രവർത്തന സമയം. നാളികേര വികസന ബോർഡിൻറെ നേതൃത്വത്തിലാണ് ഹലോ നാരിയൽ കോൾ സെൻറർ പ്രവർത്തിക്കുന്നത്.
ബോർഡിൻറെ ആസ്ഥാനമായ കൊച്ചിയിലാണ് കോൾ സെൻറർ പ്രവർത്തനം. കേരളത്തെ കൂടാതെ തമിഴ്നാട്,ആന്ധ്രപ്രദേശ്,കർണാടക എന്നിവിടങ്ങളിലും കോൾ സെൻറർ ആരംഭിക്കും. തെങ്ങ് കയറ്റം മാത്രമല്ല തെങ്ങിൻറെ മണ്ട വൃത്തിയാക്കൽ, മരുന്നു തളിക്കൽ, രോഗ കീട നിയന്ത്രണം തുടങ്ങിയവയും കേര കർഷകർക്ക് സേവനം ആയി ലഭിക്കും. ഈ സേവനം നൽകാൻ തയ്യാറുള്ള തെങ്ങുകയറ്റക്കാർക്കും കോൾ സെൻററിൽ വിളിച്ച് പേര് രജിസ്റ്റർ ചെയ്യാം.
Discussion about this post