കേന്ദ്രത്തിൻ്റെ MISS പദ്ധതി; ഹ്രസ്വകാല വിള വായ്പയിളവ് പദ്ധതിയുടെ പരിധി അഞ്ച് ലക്ഷമാക്കി ഉയർത്താൻ കേന്ദ്രം പദ്ധതിയിടുന്നു

കർഷകർക്കുള്ള പലിശ ഇളവ് പദ്ധതിക്ക് (MISS) കീഴിൽ ഹ്രസ്വകാല വിള വായ്പകളുടെ ഉയർന്ന പരിധി മൂന്ന് ലക്ഷം രൂപയിൽ നിന്ന് അഞ്ച് ലക്ഷം രൂപയായി ഉയർത്താൻ കേന്ദ്രം പദ്ധതിയിടുന്നതായി റിപ്പോർട്ട്. കുറഞ്ഞ പലിശയിൽ വായ്പയെടുക്കാൻ അനുവദിക്കുന്ന നീക്കം കൃഷി മന്ത്രാലയത്തിന്റെ പരിഗണനയിലെന്ന് വൃത്തങ്ങൾ അറിയിച്ചു.

ഈ പദ്ധതി പ്രകാരം കർഷകർക്ക് 7 ശതമാനം പലിശ നിരക്കിൽ 3 ലക്ഷം രൂപ വരെ ഇളവുള്ള വിള വായ്പകൾ ലഭിക്കും. കർഷകർക്ക് കിസാൻ ക്രെഡിറ്റ് കാർഡ‍് വായ്പകൾ‌ക്ക് വാർഷിക പലിശയിൽ ഏഴ് ശതമാനം ഇളവ് ലഭിക്കും. തിരിച്ചടവ് കൃത്യമാണെങ്കിൽ നാല് ശതമാനം ഇളവ് കൂടി ലഭിക്കും. അഡ്വാൻസ് തീയതി മുതൽ ഒരു വർഷത്തിനുള്ളിൽ വേഗത്തിലുള്ള തിരിച്ചടവിന് മൂന്ന് ശതമാനം അധിക സബ്‌വെൻഷനും ഇത് നൽകുന്നു. പദ്ധതി കർഷകർക്ക് 1,000 രൂപ വരെ ഹ്രസ്വകാല വിള വായ്പകൾ ലഭ്യമാക്കാൻ സഹായിക്കും.

2006-ൽ പി. ചിദംബരം ധനമന്ത്രിയായിരുന്ന കാലത്താണ് പദ്ധതി അവതരിപ്പിക്കുന്നത്. 2023-24 സാമ്പത്തിക വർഷത്തിൽ മൃഗസംരക്ഷണം, ഡയറി, മത്സ്യബന്ധനം എന്നിവയിൽ ശ്രദ്ധ കേന്ദ്രീകരിച്ച് 20 ലക്ഷം കോടി രൂപ കാർഷിക വായ്പയായി കേന്ദ്രം നിശ്ചയിച്ചിരുന്നു. ഈ വർഷം ഇടക്കാല ബജറ്റിൽ‌ ധനമന്ത്രി മിസ്സിന് കീഴിൽ 22,600 കോടി രൂപ അനുവദിച്ചിരുന്നു.

Centre plans to increase the upper limit of the short-term crop loans under the Modified Interest Subvention Scheme