ആയുർധാര ബ്രാൻഡ് ഓ. പി. ക്ലിനിക്ക്: താല്പര്യപത്രം ക്ഷണിച്ചു

സംസ്ഥാന പട്ടികജാതി പട്ടികവർഗ വികസന സഹകരണ ഫെഡറേഷന്റെ ആയുർധാര ബ്രാൻഡ് ഉല്പന്നങ്ങൾ കേരളത്തിലെ എല്ലാ മണ്ഡലങ്ങളിലും ആയുർവേദ ഓ.പി. ക്ലിനിക്കുകൾ ബ്രാൻഡ് ലൈസൻസ് വ്യവസ്ഥയിൽ സ്വന്തം മുതൽമുടക്കിൽ ആരംഭിക്കാൻ താല്പര്യപത്രം ക്ഷണിച്ചു.

താല്പര്യമുള്ള വ്യക്തികൾ, കൂട്ടായ്മ, സഹകരണ സ്ഥാപനങ്ങൾ എന്നിവർക്ക് അപേക്ഷിക്കാം. ആയുർവേദ ഡോക്ടർമാർക്ക് മുൻഗണന ലഭിക്കും.

താല്പര്യമുള്ളവർ പേര്, വിലാസം, ക്ലിനിക്ക് ആരംഭിക്കാൻ ഉദ്ദേശിക്കുന്ന ജില്ല, നിയോജക മണ്ഡലം എന്നിവ വ്യക്തമാക്കി മാനേജിംഗ് ഡയറക്ടർ, കേരള സംസ്ഥാന പട്ടികജാതി പട്ടികവർഗ വികസന സഹകരണ ഫെഡറേഷൻ, പേരൂർക്കട, തിരുവനന്തപുരം 695005 എന്ന വിലാസത്തിൽ അപേക്ഷിക്കണം. [email protected] ലും അപേക്ഷ സ്വീകരിക്കും. ഫോൺ: 0471 4233850, 8281167512, 9496994263