സമ്മിശ്ര കൃഷിയിൽ വിജയം കൊയ്ത് ഒമ്പതാം ക്ലാസുകാരൻ ആയുഷ്

കൃഷി ചെയ്യാൻ പ്രായമല്ല മനസ്സാണ് പ്രധാനം എന്ന് തെളിയിച്ചിരിക്കുകയാണ് കൊല്ലം പാരിപ്പള്ളി സ്വദേശിയായ ഒമ്പതാം ക്ലാസുകാരൻ ആയുഷ്. കഴിഞ്ഞവർഷത്തെ കർഷകപ്രതിഭ പുരസ്കാര ജേതാവായ ആയുഷിന്റെ ഫാം സംയോജിത കൃഷിയുടെ കേദാരമാണ്. പച്ചക്കറി കൃഷിക്കൊപ്പം ആടുകളെയും, മുയലുകളെയും കോഴികളെയും താറാവുകളെയുമെല്ലാം പരിപാലിക്കുന്നു ഈ കൊച്ചു മിടുക്കൻ. പഠനം കഴിഞ്ഞുള്ള ഒഴിവുസമയങ്ങളിലാണ് ആയുഷ് ഇവയുടെ പരിപാലനത്തിനായി സമയം കണ്ടെത്തുന്നത്. കോവിഡ് സമയത്ത് ഹോബി എന്ന നിലയിൽ തുടങ്ങിയ ഉദ്യമം ഇന്ന് മികച്ച രീതിയിൽ മുന്നോട്ടു പോവുകയാണ്.