കോവിഡ് കാല പച്ചക്കറി കൃഷിയുടെ വീഡിയോ സോഷ്യല്‍ മീഡിയയില്‍ പങ്കുവെച്ച് നടന്‍ മോഹന്‍ലാല്‍.കൊച്ചി എളമക്കരയിലുള്ള വീട്ടിലെ 30 സെന്റ് ഭൂമിയിലാണ് പച്ചക്കറിത്തോട്ടം ഒരുക്കിയിരിക്കുന്നത്.
കഴിഞ്ഞ നാലഞ്ച് വര്‍ഷമായി ഈ ചെറിയ സ്ഥലത്ത് നിന്നാണ് തങ്ങള്‍ക്കാവശ്യമായ പച്ചക്കറി തയ്യാറാക്കുന്നതെന്ന് മോഹന്‍ലാല്‍ പറയുന്നു. പാവയ്ക്ക, പയര്‍, വെണ്ടയ്ക്ക, തക്കാളി, പച്ചമുളക്, മത്തങ്ങ, ചോളം, കപ്പ എല്ലാം കൃഷിയിലുണ്ട്. എല്ലാവര്‍ക്കും ചെയ്യാവുന്ന കാര്യമാണിതെന്നും ചെറിയ സ്ഥലത്ത് നിന്ന് നമുക്ക് ആവശ്യമുള്ള കൃഷി ഉണ്ടാക്കിയെടുക്കാമെന്നും മോഹന്‍ലാല്‍ പറയുന്നു.
ജൈവകൃഷി ഒരു ശീലമാവട്ടെ, ജീവിതം സുരക്ഷിതമാവട്ടെ എന്ന ആഹ്വാനവുമായാണ് മോഹന്‍ലാല്‍ വീഡിയോ പങ്കുവെച്ചിരിക്കുന്നത്.
Discussion about this post