തിരുവനന്തപുരം: കർഷകർക്ക് ഇടനിലക്കാരില്ലാതെ ഉത്പന്നങ്ങൾ നേരിട്ട് വിൽക്കാൻ വഴിയൊരുക്കി കൃഷി വകുപ്പ് നഗരങ്ങളിൽ വഴിയോര ആഴ്ച ചന്തകൾ ആരംഭിച്ചു. നഗരങ്ങളിലെ തിരഞ്ഞടുത്ത കേന്ദ്രങ്ങളിൽ ആഴ്ചയിൽ ഒരു ദിവസം കർഷകർക്ക് ഉത്പന്നങ്ങൾ വിൽക്കാം.
സംസ്ഥാനതല ഉദ്ഘാടനം മന്ത്രി വി. എസ് സുനിൽകുമാർ തിരുവനന്തപുരം വഴുതക്കാട് നിർവഹിച്ചു. ആദ്യ ഘട്ടത്തിൽ 30 നഗര ചന്തകളാണ് തുടങ്ങിയത്. ഓരോ ചന്തയും നടത്തുക തിരഞ്ഞെടുക്കപ്പെട്ടിട്ടുള്ള പ്രദേശത്തെ കർഷകരാണ്. കർഷകർക്കാവശ്യമായ സൗകര്യങ്ങൾ കൃഷി വകുപ്പ് ഒരുക്കും.
തിരുവനന്തപുരത്ത് മൂന്ന് വഴിയോര ചന്തകളാണ് തുടങ്ങിയത്.
വഴുതക്കാട് പെരുങ്കടവിളയിൽ നിന്നുള്ളവരും കരകുളത്ത് നന്ദിയോടു നിന്നുള്ളവരും കവടിയാറിൽ ആനാട് നിന്നുളളവരുമാണ് ചന്തകൾ നടത്തുന്നത്.
Discussion about this post