ഒക്കൽ ഫാം ഫെസ്റ്റ് ആരംഭിച്ചു

കൃഷി വകുപ്പിന്റെ സഹകരണത്തോടെ എറണാകുളം ജില്ലാ പഞ്ചായത്ത് സംഘടിപ്പിക്കുന്ന ഒക്കൽ ഫാം ഫെസ്റ്റ് ആരംഭിച്ചു. ഉത്സവത്തിന്റെ ഉദ്ഘാടനം കൃഷിമന്ത്രി പി.പ്രസാദ് നിര്‍വ്വഹിച്ചു. 2025 ജനുവരി 30, 31 ഫെബ്രുവരി 1, 2 തീയതികളിലാണ് ഫാം ഫെസ്റ്റ്. സമാപന സമ്മേളനംഫെബ്രുവരി 2 ന് വ്യവസായ വകുപ്പ് മന്ത്രി പി രാജീവ് നിർവഹിക്കും.

വിവിധ കാർഷികവിഷയങ്ങളെ കുറിച്ചുള്ള സെമിനാറുകളും കാർഷികസംരംഭകത്വത്തെ പ്രോത്സാഹിപ്പിക്കുന്നതിനായി വിളംബരറാലി, കാർഷികപ്രദർശനവും വിപണനവും, സെമിനാറുകൾ, ഡോക്യുമെന്ററി പ്രദർശനം. കലാപരിപാടികൾ, മഡ് ഫുട്ബോൾ, റെയിൻബോ ഡാൻസ്, ട്രഷർഹണ്ട്, ഭക്ഷ്യമേള എന്നീ വിവിധ ആകർഷക വിഭവങ്ങൾ മേളയുടെ ഭാഗമായി ഒരുക്കിയിരിക്കുന്നു.

Content summery : The Okkal Farm Fest, organized by the Ernakulam District Panchayat in collaboration with the Agriculture Department, has begun.