റബർ ഇറക്കുമതിയ്ക്ക് ആവശ്യമായ നോ ഒബ്ജക്ഷൻ സർട്ടിഫിക്കറ്റ് നൽകുന്നതിന് റബർ ബോർഡ് ഫീസ് ചുമത്തും

റബർ ഇറക്കുമതി ചെയ്യുന്നതിന് ആവശ്യമായ നോ ഒബ്ജക്ഷൻ സർട്ടിഫിക്കറ്റ് നൽകുന്നതിന് റബർ ബോർഡ് ഫീസ് ചുമത്തും. ഇത് സംബന്ധിച്ചുള്ള ബോർഡിന്റെ ശുപാർശ കേന്ദ്ര ഗവൺമെന്റിന്റെ പരിഗണനയിലാണ്. ഓരോ ബാച്ച് ഇറക്കുമതി ചരക്കിനും 5000 രൂപ വീതം ഈടാക്കുന്നതിനാണ് ബോർഡിന്റെ നിർദ്ദേശം.

കുറഞ്ഞ വിലയ്ക്ക് ലഭിക്കുന്ന ഗുണമേന്മ കുറഞ്ഞ പ്രകൃതിദത്ത റബറിന്റെ വിവിധ വകഭേദങ്ങളുടെ ആഭ്യന്തര വിപണിയിലേക്കുള്ള ഇറക്കുമതി നിയന്ത്രിക്കുന്നതിനാണ് എൻ. ഒ. സി രേഖപ്പെടുത്തിയിരിക്കുന്നത്. സർട്ടിഫിക്കറ്റിന് ഫീസ് ചുമത്തുന്നതടക്കമുള്ള പുതിയ നടപടിക്രമങ്ങൾ വരുന്നതോടെ ഇറക്കുമതി റബറിന്റെ ഗുണമേന്മ കൂടുതൽ കാര്യക്ഷമമാകും.

Content summery : The rubber board will levy a fee for issuing the required no objection certificate for import of rubber