സ്വകാര്യഭൂമിയിൽ കൃഷിയിറക്കാം; പദ്ധതി തയ്യാറാക്കാൻ തദ്ദേശ സ്ഥാപനങ്ങൾക്ക് നിർദ്ദേശം; വിവരങ്ങൾ‌

തിരുവനന്തപുരം: കൃഷി, മൃ​ഗസംരക്ഷണ, മത്സ്യ, ക്ഷീര മേഖലകളിലെ ഉത്പാദനം വർദ്ധിപ്പിക്കാൻ സ്വകാര്യ സ്ഥലവും ഉപയോ​ഗിക്കാനുള്ള പദ്ധതി തയ്യാറാക്കാൻ തദ്ദേശ സ്ഥാപനങ്ങൾക്ക് നിർദ്ദേശം. നവോത്ഥാൻ എന്ന പേരിലാണ് കൃഷിവകുപ്പ് പദ്ധതി തയ്യാറാക്കിയത്.ഉടമ നേരിട്ട് കൃഷി ചെയ്യുന്നില്ലെങ്കിൽ‌ അവകാശത്തിൻ‌റെ സുരക്ഷ ബോധ്യപ്പെടുത്തി തദ്ദേശ സ്ഥാപനത്തിന്റെ നേതൃത്വത്തിൽ കൃഷി ചെയ്യുന്ന കർഷകനോ കൃഷി​ഗ്രൂപ്പിനോ സ്ഥലം കൈമാറണം. തരിശുഭൂമി കൃഷിയോ​ഗ്യമാക്കാൻ തൊഴിലുറപ്പ് പദ്ധതികൾ പ്രയോജനപ്പെടുത്തണം.

വെള്ളപ്പൊക്കം, ഉരുൾപൊട്ടൽ‌, കടലാക്രമണം മൂലമുള്ള തീരശോഷണം, വരൾ‌ച്ച തുടങ്ങിയവ തടയാനും അത് മൂലമുള്ള ദുരന്തങ്ങൾ‌ കുറയ്ക്കാനും പ്രാദേശിക പദ്ധതി നടപ്പാക്കാനും നിർദ്ദേശമുണ്ട്.‌സ്ലവ പാടശേഖരങ്ങൾ സംരക്ഷിക്കാനുള്ള ബണ്ട് നിർമാണം, ജലം ഒഴുകി പോകാനുള്ള മാർ​ഗങ്ങളുടെ നിർമാണവും സംരക്ഷണവും എന്നിവയും ഇതിൽ ഉൾപ്പെടുത്താം. ഇതിനെയും തൊഴുലുറപ്പ് പദ്ധതിയുമായി സംയോജിപ്പിക്കണം.

കെട്ടിടം നിർമിക്കാൻ ഓരോ ആരോ​ഗ്യ ഉപകേന്ദ്രത്തിനും ധനകാര്യ കമ്മീഷൻ അവാർഡ് പ്രകാരമുള്ള ഹെൽത്ത് ​ഗ്രാന്റിൽ നിന്ന് 55.50 ലക്ഷം രൂപ ലഭിക്കും. സ്ഥലം വാങ്ങാനുള്ള തുക വികസന, തനത് ഫണ്ടിൽ നിന്ന് കണ്ടെത്തണം. എല്ലാ തദ്ദേശ സ്ഥാപനങ്ങളിലും കുറഞ്ഞത് ഒന്ന് വീതം ഹാപ്പിനസ് പാർ‌ക്ക് സ്ഥാപിക്കണമെന്നും അവിടെ ഡാൻസിം​ഗ്, സിം​ഗിങ് ഫ്ലോർ, വർക്ക് ഫ്രം പാർക്ക് സൗകര്യങ്ങൾ, സെൽഫി കോർണർ, വിനോദ ഉപാധികൾ തുടങ്ങിയവ ഒരുക്കണമെന്നും നിർദ്ദേശമുണ്ട്.

Cultivation can be done on private land