സംസ്ഥാനത്ത് മഴ ശക്തി പ്രാപിക്കുന്നു; കന്നുകാലി കർഷകർക്ക് സഹായത്തിനായി 14 ജില്ലകളിലും കണ്‍ട്രോള്‍ റൂമുകള്‍

തിരുവനന്തപുരം: സംസ്ഥാനത്ത് മഴ കനക്കുന്ന സാഹചര്യത്തില്‍ കന്നുകാലി കർഷകർക്ക് സഹായം നൽകാൻ മൃഗസംരക്ഷണ വകുപ്പ്. ഇതിനായി കണ്‍ട്രോള്‍ റൂമുകള്‍ തുറന്നു. ചീഫ് വെറ്ററിനറി ഓഫീസര്‍ കോഡിനേറ്ററായി ദ്രുതകര്‍മസേന രൂപീകരിച്ചിട്ടുണ്ട്.

മൃഗങ്ങളെ മാറ്റിപ്പാര്‍പ്പിക്കാന്‍ അനുയോജ്യമായ സ്ഥലങ്ങള്‍ കണ്ടെത്തുന്നതിനും ക്രമീകരണമുണ്ടാക്കി. സംസ്ഥാനത്ത് 14 ജില്ലകളിലും കണ്‍ട്രോള്‍ റൂമുകൾ തുറന്നിട്ടുണ്ട്. ഫോണ്‍ നമ്പരുകള്‍ ചുവടെ പറയുന്നു.

തിരുവനന്തപുരം- 0471-2302643, 2330736,
കൊല്ലം- 0474-2795076
പത്തനംതിട്ട -0468-227090
ആലപ്പുഴ-0477-2252636
കോട്ടയം-0481-2564623
ഇടുക്കി-04862-221545
എറണാകുളം-0484-2351264
തൃശൂര്‍ -0487-2424223
പാലക്കാട്- 9846077752
മലപ്പുറം -0483-2736696, 7907000922
കോഴിക്കോട് -8921344036
വയനാട് -04936 -202729, 04936 -202229
കണ്ണൂര്‍ 0497-2700184
കാസര്‍ഗോഡ് -0499-4224624

സംസ്ഥാനത്ത് അതിശക്തമായ മഴയ്ക്കുള്ള സാധ്യതയാണ് പ്രവചിക്കുന്നത്. മിക്ക ജില്ലകളിലും നാശ നഷ്ടങ്ങൾ റിപ്പോർട്ട് ചെയ്യുന്നുണ്ട്. മലയോര പ്രദേശങ്ങളിൽ യാത്ര ചെയ്യുന്നവർ അതീവ ജാഗ്രത പുലർത്തണമെന്നും മഴ ശക്തി പ്രാപിക്കാൻ സാധ്യതയുണ്ടെന്നുമാണ് കാലാവസ്ഥ വകുപ്പിൻ്റെ മുന്നറിയിപ്പ്.