പാലിന്റെ സംഭരണവില രണ്ട് രൂപ കൂട്ടി; സബ്സിഡി നിരക്കിൽ കാലിത്തീറ്റ; ക്ഷീരകർഷകർക്ക് കൈത്താങ്ങായി മിൽമ മലബാർ യൂണിയൻ

ലിറ്റർ ഒന്നിന് രണ്ട് രൂപ വീതം അധിക പാൽ വില നൽകാൻ തീരുമാനം. ക്ഷീ​ര ക​ര്‍ഷ​ക​രിൽ സംഭരിക്കുന്ന പാലിന് വില പ്രഖ്യാപിച്ചിരിക്കുകയാണ് മി​ല്‍മ​യു​ടെ മ​ല​ബാ​ര്‍ റീ​ജ​ന​ല്‍ കോ​ഓ​പ​റേ​റ്റി​വ് മി​ല്‍ക്ക് പ്രൊ​ഡ്യൂ​സേ​ഴ്സ് യൂ​നി​യ​ന്‍ (എം.​ആ​ര്‍.​സി.​എം.​പി.​യു). കാ​ലി​ത്തീ​റ്റ ചാ​ക്ക് ഒ​ന്നി​ന് 250 രൂ​പ സ​ബ്സി​ഡി​യും അ​നു​വ​ദി​ച്ചു. മൂന്ന് മാസത്തേക്കാണ് വില വർദ്ധിപ്പിച്ചത്.

മ​ല​ബാ​ര്‍ യൂ​നി​യ​ന്‍റെ ഭാ​ഗ​മാ​യ പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട്, ക​ണ്ണൂ​ര്‍, വ​യ​നാ​ട്, കാ​സ​ര്‍കോ​ട് ജി​ല്ല​ക​ളി​ലെ ഒ​രു ല​ക്ഷ​ത്തി​ല്‍പ​രം ക്ഷീ​ര ക​ര്‍ഷ​ക​ര്‍ക്ക് ഇ​തി​ന്‍റെ പ്ര​യോ​ജ​നം ല​ഭി​ക്കും. നി​ല​വി​ല്‍ ശ​രാ​ശ​രി 45.95 രൂ​പ​യാ​ണ് ഒ​രു ലി​റ്റ​ര്‍ പാ​ലി​ന്. ഇ​ത് 47.95 രൂ​പ​യാ​യി വ​ര്‍ധി​ക്കും.

അ​ഞ്ച് കോ​ടി രൂ​പയോളം കാ​ലി​ത്തീ​റ്റ സ​ബ്സി​ഡി ഇ​ന​ത്തി​ലും ക​ര്‍ഷ​ക​രി​ലേ​ക്ക് എ​ത്തും. 1420 രൂ​പ വി​ല​യു​ള്ള മി​ല്‍മ ഗോ​മ​തി ഗോ​ള്‍ഡ് കാ​ലി​ത്തീ​റ്റ 50 കി​ലോ ചാ​ക്ക് ഒ​ന്നി​ന് 250 രൂ​പ വീ​തം സ​ബ്സി​ഡി ന​ൽ​കും.