കാസർഗോഡ്: കൃഷിക്ക് പേരുകേട്ട നാടാണ് കാസർഗോഡ്. ആ പെരുമ നിലനിർത്താനുള്ള പരിശ്രമത്തിലാണ് കാറഡുക്ക ബ്ലോക്ക് പഞ്ചായത്ത്. 2017-22 ലെ പദ്ധതിയില്‍ ഉള്‍പ്പെടുത്തി തരിശു രഹിത ബ്ലോക്കായി മാറാനുള്ള പ്രവർത്തനങ്ങളിലാണ് അധികൃതർ. ബ്ലോക്ക് പഞ്ചായത്തിന്റെ പരിധിയിൽ തരിശായി കിടക്കുന്ന സ്ഥലങ്ങള്‍ ഭൂവുടമകളില്‍ നിന്നും പാട്ടത്തിനെടുത്ത് കുടുംബശ്രീ യൂണിറ്റുകളുടെ നേതൃത്വത്തിൽ കൃഷി ഇറക്കിയാണ് തുടക്കം.
തനത് കൃഷിരീതികളിലൂടെ നരമ്പന്‍, കക്കിരി, വെള്ളരി, മുളക്, ചീര, പയറുവര്‍ഗ്ഗങ്ങള്‍, ചുരയ്ക്ക തുടങ്ങിയ പച്ചക്കറികളാണ് തരിശു ഭൂമിയില്‍ കൃഷി ചെയ്യുക. കൃത്യമായ പരിചരണത്തിലൂടെ ലഭിക്കുന്ന വിഷമില്ലാത്ത പച്ചക്കറികള്‍ ഇക്കോ ഷോപ്പുകളിലൂടെയും എ ഗ്രേഡ് ക്ലസ്റ്റര്‍ മാര്‍ക്കറ്റിലൂടെയും വിതരണം ചെയ്യും. ആരോഗ്യവും വിളകളിലെ ഗുണമേന്‍മയും പച്ചക്കറിയിലെ സ്വയം പര്യാപ്തതയുമാണ് പദ്ധതിയിലൂടെ ബ്ലോക്കിന്റെ ലക്ഷ്യം.
24.834 ഹെക്ടര്‍ ഭൂമിയാണ് ഇത്തരത്തിൽ കൃഷിയോഗ്യമാക്കാൻ ബ്ലോക്ക് തയ്യാറെടുക്കുന്നത്. കൃഷി വകുപ്പ് നടപ്പിലാക്കുന്ന 50 ഹെക്ടര്‍ തരിശ്‌നില കൃഷി കൂടാതെയാണ് ബ്ലോക്ക് ഈ പദ്ധതി.
തരിശ് ഭൂമിയില്‍ കൃഷി നടത്തുന്നതിന് ബ്ലോക്ക് പഞ്ചായത്ത് നല്‍കുന്ന ആനുകൂല്യത്തിനായി കുടുംബശ്രീ യൂണിറ്റുകള്‍ക്ക് പഞ്ചായത്തില്‍ അപേക്ഷിക്കാം. പഞ്ചായത്ത് സമിതി അംഗീകരിച്ച ഗുണഭോക്തൃ പട്ടിക ബ്ലോക്ക് പഞ്ചായത്തിലേക്ക് അയക്കും. പാട്ടകൃഷി രീതിയാണ് അവലംബിക്കുന്നത്. ഭൂവുടമ കൃഷിചെയ്യാനായി കുടുംബശ്രീ യൂണിറ്റിന് ഭൂമി വിട്ടു നല്‍കുന്നുവെന്ന് കാണിച്ച് 200 രൂപയുടെ മുദ്ര പേപ്പറില്‍ സമ്മത പത്രവും 2019-20 വര്‍ഷം നികുതി അടച്ച രസീറ്റിന്റെ കോപ്പിയും അപേക്ഷയോടൊപ്പം സമര്‍പ്പിക്കണം. പദ്ധതിയിൽ ഗുണഭോക്താവിന് ഹെക്ടറിന് 25000 രൂപയും ഭൂവുടമയ്ക്ക് 5000 രൂപയും ലഭിക്കും.
കുറഞ്ഞത് 25 സെന്റ് സ്ഥലത്ത് പദ്ധതി പ്രകാരം കൃഷി ചെയ്യാം. കുടുംബശ്രീ യൂണിറ്റിനും ഭൂവുടമയ്ക്കും ഐ.എഫ്.സി കോഡും കോര്‍ ബാങ്കിങ് സൗകര്യവുമുള്ള അക്കൗണ്ട് ഉണ്ടായിരിക്കണം
സ്കൂൾ പച്ചക്കറിത്തോട്ടം പദ്ധതി വിദ്യാലയങ്ങളിലൂടെ ഭാവി തലമുറയെ കൃഷിയുടെ പ്രാധാന്യം മനസിലാക്കിയെടുക്കാനും പഞ്ചായത്ത് ശ്രമിക്കുന്നു. സ്‌കൂള്‍ പച്ചക്കറിത്തോട്ടം പദ്ധതിയിലൂടെ മണ്ണിനെയും പ്രകൃതിയേയും അടുത്തറിയാനും കാര്‍ഷിക പാഠങ്ങള്‍ ജീവിതത്തില്‍ പകര്‍ത്താനും കുട്ടികൾക്ക് അവസരമൊരുങ്ങും.
ബ്ലോക്കിന്റെ കീഴിലെ ഏഴ് പഞ്ചായത്തുകളില്‍ തെരഞ്ഞെടുത്ത 16 സ്‌കൂളകള്‍ക്ക് പച്ചക്കറിത്തോട്ടം അനുവദിച്ചു കഴിഞ്ഞു. കൃഷിക്കും പരിപാലനത്തിനുമായി ബ്ലോക്കില്‍ നിന്നും ഒരു സ്‌കൂളിന് 5000 രൂപ നല്‍കും. കൃഷിഭവനുകള്‍ മുഖേന വിദ്യാര്‍ത്ഥികള്‍ക്ക് കൃഷി രീതികളെക്കുറിച്ചും അതിന്റെ ആവശ്യകതയെക്കുറിച്ചുമെല്ലാം ക്ലാസുകള്‍ നല്‍കിയിരുന്നു. ഓരോ ഘട്ടത്തിലും പച്ചക്കറിയുടെ വളര്‍ച്ച നിരീക്ഷിക്കാനുള്ള സംവിധാനങ്ങള്‍ കൃഷി ഭവനുകളും ബ്ലോക്ക് പഞ്ചായത്തും പ്രത്യേകമായി ഒരുക്കി. മികച്ച പ്രകടനം കാഴ്ചവെച്ച ഇരിയണ്ണി സ്‌കൂളിന് ജില്ലാതലത്തില്‍ അംഗീകാരവും ലഭിച്ചിരുന്നു.
കാസർഗോഡ്: കൃഷിക്ക് പേരുകേട്ട നാടാണ് കാസർഗോഡ്. ആ പെരുമ നിലനിർത്താനുള്ള പരിശ്രമത്തിലാണ് കാറഡുക്ക ബ്ലോക്ക് പഞ്ചായത്ത്. 2017-22 ലെ പദ്ധതിയില്‍ ഉള്‍പ്പെടുത്തി തരിശു രഹിത ബ്ലോക്കായി മാറാനുള്ള പ്രവർത്തനങ്ങളിലാണ് അധികൃതർ. ബ്ലോക്ക് പഞ്ചായത്തിന്റെ പരിധിയിൽ തരിശായി കിടക്കുന്ന സ്ഥലങ്ങള്‍ ഭൂവുടമകളില്‍ നിന്നും പാട്ടത്തിനെടുത്ത് കുടുംബശ്രീ യൂണിറ്റുകളുടെ നേതൃത്വത്തിൽ കൃഷി ഇറക്കിയാണ് തുടക്കം.
തനത് കൃഷിരീതികളിലൂടെ നരമ്പന്‍, കക്കിരി, വെള്ളരി, മുളക്, ചീര, പയറുവര്‍ഗ്ഗങ്ങള്‍, ചുരയ്ക്ക തുടങ്ങിയ പച്ചക്കറികളാണ് തരിശു ഭൂമിയില്‍ കൃഷി ചെയ്യുക. കൃത്യമായ പരിചരണത്തിലൂടെ ലഭിക്കുന്ന വിഷമില്ലാത്ത പച്ചക്കറികള്‍ ഇക്കോ ഷോപ്പുകളിലൂടെയും എ ഗ്രേഡ് ക്ലസ്റ്റര്‍ മാര്‍ക്കറ്റിലൂടെയും വിതരണം ചെയ്യും. ആരോഗ്യവും വിളകളിലെ ഗുണമേന്‍മയും പച്ചക്കറിയിലെ സ്വയം പര്യാപ്തതയുമാണ് പദ്ധതിയിലൂടെ ബ്ലോക്കിന്റെ ലക്ഷ്യം.
24.834 ഹെക്ടര്‍ ഭൂമിയാണ് ഇത്തരത്തിൽ കൃഷിയോഗ്യമാക്കാൻ ബ്ലോക്ക് തയ്യാറെടുക്കുന്നത്. കൃഷി വകുപ്പ് നടപ്പിലാക്കുന്ന 50 ഹെക്ടര്‍ തരിശ്‌നില കൃഷി കൂടാതെയാണ് ബ്ലോക്ക് ഈ പദ്ധതി.
തരിശ് ഭൂമിയില്‍ കൃഷി നടത്തുന്നതിന് ബ്ലോക്ക് പഞ്ചായത്ത് നല്‍കുന്ന ആനുകൂല്യത്തിനായി കുടുംബശ്രീ യൂണിറ്റുകള്‍ക്ക് പഞ്ചായത്തില്‍ അപേക്ഷിക്കാം. പഞ്ചായത്ത് സമിതി അംഗീകരിച്ച ഗുണഭോക്തൃ പട്ടിക ബ്ലോക്ക് പഞ്ചായത്തിലേക്ക് അയക്കും. പാട്ടകൃഷി രീതിയാണ് അവലംബിക്കുന്നത്. ഭൂവുടമ കൃഷിചെയ്യാനായി കുടുംബശ്രീ യൂണിറ്റിന് ഭൂമി വിട്ടു നല്‍കുന്നുവെന്ന് കാണിച്ച് 200 രൂപയുടെ മുദ്ര പേപ്പറില്‍ സമ്മത പത്രവും 2019-20 വര്‍ഷം നികുതി അടച്ച രസീറ്റിന്റെ കോപ്പിയും അപേക്ഷയോടൊപ്പം സമര്‍പ്പിക്കണം. പദ്ധതിയിൽ ഗുണഭോക്താവിന് ഹെക്ടറിന് 25000 രൂപയും ഭൂവുടമയ്ക്ക് 5000 രൂപയും ലഭിക്കും.
കുറഞ്ഞത് 25 സെന്റ് സ്ഥലത്ത് പദ്ധതി പ്രകാരം കൃഷി ചെയ്യാം. കുടുംബശ്രീ യൂണിറ്റിനും ഭൂവുടമയ്ക്കും ഐ.എഫ്.സി കോഡും കോര്‍ ബാങ്കിങ് സൗകര്യവുമുള്ള അക്കൗണ്ട് ഉണ്ടായിരിക്കണം
സ്കൂൾ പച്ചക്കറിത്തോട്ടം പദ്ധതി വിദ്യാലയങ്ങളിലൂടെ ഭാവി തലമുറയെ കൃഷിയുടെ പ്രാധാന്യം മനസിലാക്കിയെടുക്കാനും പഞ്ചായത്ത് ശ്രമിക്കുന്നു. സ്‌കൂള്‍ പച്ചക്കറിത്തോട്ടം പദ്ധതിയിലൂടെ മണ്ണിനെയും പ്രകൃതിയേയും അടുത്തറിയാനും കാര്‍ഷിക പാഠങ്ങള്‍ ജീവിതത്തില്‍ പകര്‍ത്താനും കുട്ടികൾക്ക് അവസരമൊരുങ്ങും.
ബ്ലോക്കിന്റെ കീഴിലെ ഏഴ് പഞ്ചായത്തുകളില്‍ തെരഞ്ഞെടുത്ത 16 സ്‌കൂളകള്‍ക്ക് പച്ചക്കറിത്തോട്ടം അനുവദിച്ചു കഴിഞ്ഞു. കൃഷിക്കും പരിപാലനത്തിനുമായി ബ്ലോക്കില്‍ നിന്നും ഒരു സ്‌കൂളിന് 5000 രൂപ നല്‍കും. കൃഷിഭവനുകള്‍ മുഖേന വിദ്യാര്‍ത്ഥികള്‍ക്ക് കൃഷി രീതികളെക്കുറിച്ചും അതിന്റെ ആവശ്യകതയെക്കുറിച്ചുമെല്ലാം ക്ലാസുകള്‍ നല്‍കിയിരുന്നു. ഓരോ ഘട്ടത്തിലും പച്ചക്കറിയുടെ വളര്‍ച്ച നിരീക്ഷിക്കാനുള്ള സംവിധാനങ്ങള്‍ കൃഷി ഭവനുകളും ബ്ലോക്ക് പഞ്ചായത്തും പ്രത്യേകമായി ഒരുക്കി. മികച്ച പ്രകടനം കാഴ്ചവെച്ച ഇരിയണ്ണി സ്‌കൂളിന് ജില്ലാതലത്തില്‍ അംഗീകാരവും ലഭിച്ചിരുന്നു.
Discussion about this post