കിലോയ്ക്ക് 400 രൂപ വരെ; റെക്കോർഡ് കുതിപ്പിൽ കാന്തല്ലൂർ വെളുത്തുള്ളി

ഇടുക്കി: കാന്തല്ലൂർ വെളുത്തുള്ളി റെക്കോർഡ് വിലയിൽ. ഒരു കിലോ പച്ച വെളുത്തുള്ളിക്ക് 300 രൂപ മുതൽ 400 രൂപ വരെയാണ് ലഭിക്കുന്നത്. വലുപ്പമേറിയ വെളുത്തുള്ളിക്കാണ് വില കൂടുതൽ ലഭിക്കുന്നത്. ഗുണമേന്മയേറെയുള്ള കാന്തല്ലൂർ, വട്ടവട മലപ്പൂണ്ടിന് ഭൗമസൂചിക പദവിയുണ്ടെങ്കിലും കേരളത്തിലെ വിപണികളിൽ ഈ വെളുത്തുള്ളി എത്താറില്ല. കഴിഞ്ഞ സീസണിൽ 300 വരെയായിരുന്നു കാന്തല്ലൂർ വെളുത്തുള്ളിയുടെ വില.

തമിഴ്നാട്ടിലെ മധുര വടുകപ്പെട്ടിയിലാണ് കാന്തല്ലൂർ കർഷകർ വെളുത്തുള്ളി വിൽക്കുന്നത്. വടുകപ്പെട്ടി വിപണിയിലെത്തിക്കുന്നതിന് കർഷകർ കിലോയ്ക്ക് വാഹനക്കൂലിയായി 3 രൂപ നൽകണമെങ്കിലും നല്ല ലാഭമാണ് കർഷകർക്ക് ലഭിക്കുന്നത്. കാട്ടനക്കൂട്ടത്തെയും കനത്തമഴയെയും പ്രതിരോധിച്ചാണ് ഇത്തവണ വിളവെടുത്തത്.

Kanthallor garlic at record prices. one kg of green garlic fetches Rs 300 to Rs 400.