ഹൈഡ്രജൻ ഉത്പാ​ദനം ഇനി ബെംഗളൂരുവിൽ; പ്ലാൻ്റ് നിർമിച്ച് അമേരിക്കൻ കമ്പനി

ഹൈഡ്രജൻ ഉത്പാ​ദനത്തിന് സഹായിക്കുന്ന ​ഗ്രീൻ ഹൈഡ്രജൻ ഇലക്ടോളൈസർ ജി​ഗാഫാക്ടറി നിർമിച്ച് അമേരിക്കൻ കമ്പനിയായ ഒഹ്മിയം. ബെം​ഗളൂരുവിലെ ചിക്കബലപൂരിലാണ് പ്ലാൻ്റ്. കേന്ദ്ര പുനരുപയോ​ഗ ഊർജ്ജ മന്ത്രി പ്രൾഹാദ് ജോഷിയാണ് പ്ലാൻ്റിന്റെ ഫ്ലാ​ഗ് ഓഫ് നടത്തിയത്. 2,000 കോടിയിലധികം രൂപയുടെ നിക്ഷേപമാണ് കമ്പനി നടത്തിയത്.

വെള്ളത്തെ ഹൈഡ്രജനും ഓക്സിജനുമായി വേർത്തിരിച്ച് ​ഗ്രീൻ എനർജി ഉത്പാദിപ്പിക്കാൻ പ്ലാന്റിന് സാധിക്കും. നിലവിൽ 500 മെ​ഗാവാട്ട് ​ഗ്രീൻ എനർ‌ജി ഉത്പാദിപ്പിക്കാനുള്ള ശേഷിയാണ് പ്ലാന്റിനുള്ളത്. വൈകാതെ ഇത് 2,000 മെ​ഗാവാട്ട് ആയി ഉയർത്തുമെന്ന് കമ്പനി അറിയിച്ചിട്ടുണ്ട്.

കാലാവസ്ഥ വ്യതിയാനത്തെ തടയാൻ ഫോസിൽ ഇന്ധനങ്ങളുടെ ഉപയോ​ഗം കുറയ്ക്കാൻ ഈ ഹൈഡ്രജൻ പ്ലാൻ്റ് സഹായിക്കും. കൽക്കരി, എണ്ണ, പ്രകൃതി വാതകം തുടങ്ങിയവയ്ക്ക് പകരാമാകാൻ ഹൈഡ്രജൻ എനർജിക്ക് സാധിക്കും.

green hydrogen electrolyzer gigafactory in bengaluru