കോഴി വളർത്തലിലൂടെ വരുമാനം ഉണ്ടാക്കാൻ പദ്ധതിയിടുന്നവരാണോ? ഇറച്ചിക്കോഴികളും ഗ്രാമശ്രീ കോഴിക്കുഞ്ഞുങ്ങളും വിൽപ്പനയ്ക്ക്

തിരുവനന്തപുരം: സര്‍ക്കാര്‍ സംരംഭമായ സംസ്ഥാന പൗള്‍ട്രി വികസന കോര്‍പ്പറേഷന്റെ കീഴിലുള്ള കുടപ്പനക്കുന്ന് ബ്രോയിലര്‍ ബ്രീഡര്‍ ഫാമിലെ മാതൃ-പിതൃ ശേഖരത്തില്‍പ്പെട്ട ഇറച്ചിക്കോഴികള്‍ വില്‍പ്പനയ്ക്ക്.ആവശ്യമുളളവര്‍ക്ക് നേരിട്ട് കെപ്കോയുടെ കുടപ്പനക്കുന്ന് ബ്രോയിലര്‍ ബ്രീഡര്‍ ഫാമില്‍ നിന്നും മൊത്തമായോ, ചില്ലറയായോ വാങ്ങാവുന്നതാണ്. കൂടുതൽ വിവരങ്ങൾക്ക് 9495000914, 9495000918 എന്ന നമ്പറുകളിൽ ബന്ധപ്പെടുക.

പ്രാദേശിക കോഴിവളര്‍ത്തല്‍ കേന്ദ്രത്തില്‍ എല്ലാ ചൊവ്വ വെള്ളി ദിവസങ്ങളിലും ഒരു ദിവസം പ്രായമായ ഗ്രാമശ്രീ ഇനത്തില്‍പ്പെട്ട പിടക്കോഴിക്കുഞ്ഞുങ്ങളെ 25 പ നിരക്കില്‍ വില്‍പ്പനയ്ക്ക്. ജൂൺ നാലിനും ഏഴിനും 900 എണ്ണം വീതവും 11-ന് 800 എണ്ണവും, 14-ന് 600 എണ്ണവും, 18-ന് 900 എണ്ണവും, 21-ന് 600 എണ്ണം വീതവും പിടക്കോഴിക്കുഞ്ഞുങ്ങൾ ലഭ്യമാണ്. കൂടുതൽ വിവരങ്ങൾക്ക് 0471 2730804 എന്ന നമ്പരിൽ ബന്ധപ്പെടുക.