ഐടി ജോലി ഉപേക്ഷിച്ച് പശുക്കളെ വാങ്ങി ; ദമ്പതികൾ ആരംഭിച്ച ഡയറി ഫാമിന്റെ ഈ വർഷത്തെ ടേണോവർ 2 കോടി രൂപ

വെറും നാല് പശുക്കളുമായി തുടങ്ങിയ സംരംഭത്തിന്റെ ഈ സാമ്പത്തിക വർഷത്തെ ടേൺ ഓവർ രണ്ട് കോടി രൂപ. അഹമ്മദാബാദ് സ്വദേശികളായ ശ്രീകാന്തും ഭാര്യ ചാർമിയും 2018ലാണ് ഗൗനീതി ഓർഗാനിക് പ്രൈവറ്റ് ലിമിറ്റഡ് എന്ന സ്ഥാപനം ആരംഭിച്ചത്. 2014 ലാണ് ശ്രീകാന്തിന്റെ അച്ഛൻ കാൻസർ ബാധിച്ച് മരിച്ചത്. ഈ സംഭവം ഇരുവരുടെ ചിന്താഗതിയിലും മാറ്റം വരുത്തി. പ്രത്യേകിച്ച് ഭക്ഷണശീലങ്ങളിൽ. അങ്ങനെ ശുദ്ധമായ ഭക്ഷണം എല്ലാവരിലേക്കും എത്തിക്കണമെന്ന് ചിന്ത മനസ്സിലേക്ക് കടന്നു വരുന്നത്. അങ്ങനെയാണ് നമ്മുടെ മണ്ണിന്റെ ആരോഗ്യ നിലനിർത്തുന്നതിനുള്ള പശുക്കളുടെ പങ്ക് തിരിച്ചറിയുന്നത്.

അങ്ങനെ ഇരുവരും ഐടി ജോലി ഉപേക്ഷിച്ച് സ്വന്തമായൊരു ഡയറി ഫാം എന്ന സ്വപ്നത്തിലേക്ക് തിരിഞ്ഞു. A2 പാൽ തരുന്ന മികച്ച ഇനം പശുക്കളെ ഫാമിലേക്ക് വാങ്ങി.ഫാമിൽ നിന്നുള്ള ചാണകം കർഷകർക്കും നൽകി. തുടക്കം സുഹൃത്തുക്കളും അയൽക്കാരും നൽകിയ പിന്തുണ ഇന്നൊരു വലിയ ഡയറി ബ്രാൻഡായി വളർന്നു. പാലിൽ നിന്നുള്ള ഒട്ടേറെ മൂല്യ വർദ്ധിത ഉൽപ്പന്നങ്ങളും, ചാണകത്തിൽ നിന്നുള്ള ചന്ദനത്തിരി ഉൾപ്പെടെയുള്ള മൂല്യ വർദ്ധിത ഉൽപ്പന്നങ്ങളും വിപണിയിലേക്ക് എത്തിച്ചു. ഇന്ന് ആമസോണിലൂടെ രാജ്യവ്യാപകമായി ഉൽപ്പനങ്ങൾ വിൽക്കുന്നു. ഈ സാമ്പത്തിക വർഷത്തിൽ രണ്ടു കോടി രൂപയോളം ടേണോവർ കമ്പനി സ്വന്തമാക്കി

Content summery :Dairy farm started by couple, turnover this year is Rs 2 crore