ആലപ്പുഴ:ഡിസംബര്‍ 9ന് ആലപ്പുഴ ടി ഡി മെഡിക്കല്‍ കോളേജ് സുവര്‍ണ ജൂബിലി ഹാളില്‍ നടക്കുന്ന സംസ്ഥാനതല കര്‍ഷക അവാര്‍ഡ് ദാനത്തിന്റെയും പ്രീ വൈഗയുടെയും ഭാഗമായി കാര്‍ഷികോല്‍പന്നങ്ങള്‍,മൂല്യവര്‍ധിത ഉല്‍പന്നങ്ങള്‍,കാര്‍ഷിക യന്ത്രങ്ങള്‍ എന്നിവയുടെ പ്രദര്‍ശനം നടത്തും. ജനറല്‍ കമ്മിറ്റി യോഗത്തിലാണ് തീരുമാനം. രാവിലെ 10 മുതല്‍ കര്‍ഷകര്‍ക്കായി കാര്‍ഷിക മൂല്യ വര്‍ധിത ഉല്‍പന്നങ്ങളെക്കുറിച്ച് സെമിനാറും സംഘടിപ്പിക്കും.
അമ്പലപ്പുഴ ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടന്ന ജനറല്‍ കമ്മിറ്റി യോഗത്തില്‍ ജില്ലാപഞ്ചായത്ത് പ്രസിഡന്റ് ജി വേണുഗോപാല്‍ അധ്യക്ഷത വഹിച്ചു. പ്രിന്‍സിപ്പല്‍ കൃഷി ഓഫീസര്‍ ലതാ ജി പണിക്കര്‍ പ്രസംഗിച്ചു. ജില്ലാ പഞ്ചായത്ത്, ബ്ലോക്ക് പഞ്ചായത്ത് അംഗങ്ങളും കിസാന്‍ സഭ പ്രതിനിധികള്‍, വികസന ഏജന്‍സി ചെയര്‍മാന്‍മാര്‍, ജില്ല വികസന സമിതി അംഗങ്ങള്‍, കൃഷി വകുപ്പ് ഉദ്യോഗസ്ഥര്‍, ആത്മ പ്രോജക്ട് ഡയറക്ടര്‍, കൃഷി ഡെപ്യൂട്ടി ഡയറക്ടര്‍ (ഇ ആന്‍ഡ് ടി) എന്നിവര്‍ പങ്കെടുത്തു.
Discussion about this post